Në Malin e Tomorrit në Berat zhvillohet pelegrinazhi i përvitshëm me rastin e festës së Abaz Aliut.
Në ceremoninë e kësaj feste ishte i pranishëm edhe presidenti Ilir Meta, i cili foli para besimtarëve bektashinj.
Meta uroi të gjithë besimtarët, si dhe u shpreh se këtë pjesëmarrje masive nuk e kishte menduar 25 vite më parë.
“Bektashizmi, vlera të jashtëzakonshme sa i takon lirisë së besimit. Është kënaqësi e jashtëzakonshme të jem sot këtu e të shoh këtë pjesëmarrje të jashtëzakonshme, nuk do e kisha menduar 25 vite më parë se do kemi kaq pjesëmarrje.
Atëherë ishim shumë pak njerëz dhe besimtar, ndërsa sot jemi kaq shumë duke e shndërruar në një prej pelegrinazheve më të suksesshme”, tha presidenti.
Pasi mbaroi fjalën e tij, Meta mori dhuratë një medaljon prej floriri nga Baba Edmond Brahimaj.
