Ka nisur seanca në Gjykatën Kushtetuese për shqyrtimin e ankimimit nga Erion Verliaj të shkarkimit të tij nga detyra si dhe shpalljen e datës së zgjedhjeve të reja për Tiranën.
Në nisje të seancës, përfaqësuesit ligjorë të Presidencën i kërkuan ‘Kushtetueses’ që të shpallë moskompetencë për shqyrtimin e dekretit të Presidentit pas ankimimit të Veliajt, pasi sipas tyre nuk u është dhënë kohë që të për argumentet.
“Ne kemi kërkuar të rimerret në shqyrtim çështja e kompetencës suaj për shqyrtimin e dekretit dhe të deklaroni mos kompetencë, sepse nuk mund të shqyrtoni një dekret të tillë. Po paraqesim sërish këtë kërkesë që të shpallni moskompetencë për shqyrtimin e dekretit… Anuloni vendimin për përfshirjen e dekretit në lëndën e këtij shqyrtimi, duam hapësirë për argumentet tona”, u shpreh përfaqësuesja ligjore e Presidencës.
Pas kësaj kërkese trupi gjykues tërhiqet për të marrë vendim.
“I qëndrojmë parashtrimit që kemi, mendojmë se Gjykata Kushtetuese është kompetencë për shqyrtimin e kërkesës tonë edhe për aktin e Presidentit, procesi për ne është ndarë në dy faza, e propozimit dhe vendimmarrjes dhe tjetra, është garancisë kushtetuese që aktivizohet automatikisht me paraqitjen e kërkesës në të cilën nuk duhet të ndërhyrje asnjë institucion përfshirë edhe presidenca i cikli duhet të presë vendimin e Gjykatës së Lartë. Aktivizimi para kohe aktivizon efektet juridike të këshillit të ministrave”, deklaroi pala mbrojtëse e Erion Veliajt.
Kryetarja e Gjykatës Kushtetuese, Holta Zaçaj njoftoi rrëzimin e kërkesës së Presidencës. Trupa gjykuese e Kushtetueses tha se dekreti do të trajtohet në themel të çështjes dhe për të do të vendoset në fund si për çdo element tjetër të padisë.
“Në lidhje me kërkesën paraprake, Gjykata vendosi se çështja e juridiksionit të Gjyaktës për shqyrtimin e dekretit të Presidentit është e lidhur me themelin e mosmarrëveshjes, objekt sqyrtimi dhe për këtë arsye kërkesa juaj nuk pranohet në këtë pjesë të shqyrtimit”, tha Zaçaj.
Përfaqësuesit ligjorë të Erion Veliajt janë: Ermal Yzeiral dhe Alban Dokushi.
Përfaqësuesit ligjorë të Kryeministrisë janë: Erald Jonuza, Vangjel Duni, Irma Qosja.
Përfaqësuesit ligjorë të Presidencës janë: Eriola Shija, Ilir Rusmali.
