E martë, 25 Janar, 2022
-4.5 C
Tirana

666: Numri i Djallit apo thjesht një kod sekret?

Në mbarë botën ka shumë numra që cilësohen se ndjellin keq. Në Kinë, njerëzit kanë frikë nga numri 4, pasi tingëllon si fjala vdekje. Në Japoni, numri 9 tingëllon si fjala torturë apo vuajtje. Dhe në shumë kultura, numri 13 mendohet se ndjell fatin e keq.

Por shumica e këtyre numrave janë thjesht bestytni. Ndërkohë numri 666 është unik midis tyre, pasi ka një origjinë të drejtpërdrejtë: ai cilësohet si simboli i “Bishës” biblike.

Shumica e njerëzve e dinë se 666 dhe shenja e Bishës lidhen me profecinë biblike. Por historia është në fakt shumë komplekse.

Po cili është saktësisht numri i “Bishës”? Ai përmendet vetëm një herë në Dhjatën e Re, dhe konkretisht në Librin e Zbulesës. Në Zbulesa 13:18, shfaqet pasazhi: ”Këtu është mençuria. Lëreni atë që ka mend, të llogarisë numrin e bishës, pasi është numri i një njeriu; dhe numri i tij është 666”.

Se çfarë do të thotë kjo, është debatuar prej kohësh, për shkak se vetë përkthimet nuk janë të sakta. Së pari, Dhiata e Re u shkrua në greqishten e vjetër, dhe të gjitha kopjet origjinale u humbën.

Me kalimin e kohës, përkthimet specifike, siç është versioni i Mbretit Xhejms janë pranuar zakonisht si të sakta. Por shpesh, studiuesit e Biblës duhet t’i kthehen shpesh teksteve më të hershme për sqarime.

Në disa përkthime, 666 është numri i një burri. Tek te tjerat, është thjesht një numër njerëzor, në krahasim me le të themi, një numër demoni.

E megjithatë, 666 është bërë sinonim i Anti-Krishtit. Edhe pse kjo nuk mbështetet nga asnjë shkrim i shenjtë biblik.

Ndërsa numri 666 shfaqet në Librin e Zbulesës, termi Antikrisht jo. Atëherë pse Antikrishti lidhet dhe “Numrin e Bishës’? Në vitin 180, Iraneus botoi librin “Kundër Herezive, që ndërthuri konceptin e një Antikrishti me numrin 666.

Nga atëhere, ideja e një Antikrishti që mund të vijë një ditë në botë u bë një interpretim popullor, edhe pse një Antikrisht i veçantë nuk përmendet kurrë në tekstet e Dhiatës së Re. Përfundimisht, ai u pranua si një kanun biblik. Por në fakt, nuk ka asnjë provë që 666 (ose njeriu i referuar si Numri i Bishës), ka të bëjë me Antikrishtin.

Edhe shkrimet islamike, të cilat filluan disa shekuj pas shkrimeve origjinale, përmbajnë gjithashtu Simbolin e Bishës – por kësaj here ajo është me 3 gërma KFR. Al-Dajjal është një mesia i rremë që do të vijë në Tokë para apokalipsit, vetëm për t’u ndalur nga Krishti ose Mahdi.

Mbi kokën e tij shkruhet pikërisht KFR: ”Mosbesues”. Dhe madje ka një përshkrim fizik të tij: një njeri topolak, me flokë kaçurrela dhe me fytyrë të kuqe. Ndryshe nga Libri i Zbulesës, që është mjaft i paqartë, hadithet e Kuranit janë shumë specifike.

Antikrishti ka një ballë dhe qafë të gjerë. Ai është shtatshkurtër por i fortë, dhe ai është steril. Në skajin tjetër të spektrit, Dëshmitarët e Jehovait besojnë se Simboli i Bishës nuk tregon një njeri të vetëm, por përkundrazi ata që janë bërë të kontrolluar nga qeveria.

Kjo lidhet me besimin e Dëshmitarëve të Jehovait, se ata që janë të indoktrinuar nga qeveria po largohen nga rruga e Zotit.

Qëkur u shkrua shkrimi i parë origjinal, ka pasur shumë teori se kujt i referohet Simboli i Bishës. 666 është bërë një mënyrë e thjeshtë për të demonizuar shumë figura publike, dhe disa madje e kanë merituar këtë gjë.

Ka pasur nga ata që kanë pyetur nëse Hitleri mbante Simbolin e Bishës. Nga ana tjetër, disa kanë akuzuar gjithashtu Papën se bart Simbolin e Bishës, megjithëse ai vetë ka refuzuar dhurimet në numrin 666. Por nuk mund të harrojmë se Simboli i Bishës nuk është domosdoshmërisht shenja e një personi të vetëm.

Ka ende njerëz që besojnë se Numri i Bishës u referohet atyre që ndjekin më shumë Antikrishtin sesa vetë Antikrishtit. Dhe kjo do të thotë që Simboli i Bishës mund të shihej praktikisht kudo. 666 po përdoret gjerësisht në komunitetet e veçanta, si adhuruesit e muzikës metal, satanizmit dhe nënkulturës gotike.

Vitet e fundit, disa teoricienë të konspiracionit kanë argumentuar se është multi-miliarderi amerikan Bil Gejts ai që mban Numrin e Bishës. Së pari, thuhet se kompania e tij “Microsoft” mban patentën 060606, një patentë për mikroçipet që pretendohen se mund të nguliten në trupin e njerëzve për t’i gjurmuar këta të fundit!

Kjo do të ishte e tmerrshme nëse do të ishte e vërtetë, por si shumica e gjërave edhe kjo teori është kryesisht e gabuar. Microsoft ka në fakt patentën me numër serial  ËO02020060606A1, një numër që nuk shfaqet askund në asnjë përkthim të Biblës.

Dhe është thjesht një patentë për një orë inteligjente. Por a është ora inteligjente e bishës? Jo.

Thashethemet nisën kur patenta e orës inteligjente, u përzie me teorinë se Bill Gejt po fut mikroçipa tek vaksinat.

Dhe paranoja ndaj Bill Gejtsit dhe vaksinimeve nisi kur ai përmendi për herë të parë se vaksinimet mund të çojnë në zvogëlimin e popullsisë botërore. Gates po fliste në fakt për kontrollin e popullsisë: Kur njerëzit e dinë që foshnjat e tyre do të mbijetojnë deri në moshën e rritur, ata në përgjithësi bëjnë më pak fëmijë.

Por disa e keqinterpretuan komentin e tij, si domethënie se vetë vaksinimet do të sterilizonin apo edhe vrisnin njerëz, diçka që sigurisht mund të bëjë Anti-Krishti.

Sot shumica e studiuesve besojnë se 666 ishte vetëm një kod sekret. Në hebraishten origjinale, “666” ka të ngjarë të jetë përkthyer thjesht “Neron Çezari”, perandori romak që persekutoi shumë të krishterët e parë.

Burimi i lajmit: https://www.grunge.com/255291/the-history-of-the-number-of-the-beast-explained/

Përshtatur nga TIRANA TODAY

- Reklama -

Më shumë nga kategoria




Të fundit

Ndërron jetë aktori i njohur turk, luajti në serialin “Ertogrul”

Aktori i njohur turk, Ayberk Pekcan, ka ndërruar jetë në moshën 51-vjeçare. I ndjeri ka luajtur në serialin “Ertogrul” dhe “Osman”. Mediat turke thonë se...

Gjirokastritët dhe korçarët më punëtorë, Lezha, Dibra dhe Tirana më “dembele”

Qarqe të ndryshme të vendit shfaqin sjellje ekstreme ndaj punës, pasi në disa prej tyre popullsia në moshë punë (+15 vjeç) shfaq një interes...

Makthi i Berishës nga institucionet që nuk e njohin

Nga: Mero Baze Sali Berisha tani ka nisur luftë me çdo institucion zyrtar, politik apo fetar që nuk e pranon më si Kryetar të PD,...

“Blindohen” zgjedhjet në Shoqatën e Tiranës, hyrja me kartë identiteti

Në orën 15:00 do të nisin zgjedhjet e Shoqatës Rajonale të Futbollit të Tiranës. Aktualisht është vënë re prezencë e forcave të policisë private,...

Nis hakmarrja pas përgjimeve, Tatimet ‘mësyjnë’ te bizneset e Armand Dukës

Bashkia e Tiranës me në krye Erion Veliaj, ka marrë zotimin për të "pastruar futbollin". Prokuroria e Tiranës ka nisur sot një hetim për...