E shtunë, 24 Korrik, 2021
19.5 C
Tirana

4 viktima dhe 2 të plagosur, si nisi konflikti në Velipojë

Velipoja u trondit në orët e para të mëngjesit të djeshëm, pasi konflikti midis familjeve Gocaj dhe Ferracaku përfundoi në përplasje me armë, duke shkaktuar një bilanc tragjik me 4 viktima dhe 2 të plagosur.

Por, si nisi konflikti midis dy familjeve? Gazatari Senad Nikshiqi tha për emisionin ”Pikat mbi i” në News 24, se hotel Fantazia, në pronësi të familjes Ferracaku, kishe fituar këtë vit të drejtën për vendosjen e shezlongëve.

Sipas tij, problematike është fakti se pjesa më e madhe e operatorëve i vendosin çadrat para u mbyllur aplikimet. Ndërkohë, familja Gocaj i ka vendosur shezlongët aty ku i ka pasur vitin e kaluar, edhe pse këtë vit i ka marrë familja Ferracaku.

Senad Nikshiqi: ”Ngjarja është e rëndë dhe pothuajse pjesa më e madhe e pushuesve e kanë mësuar këtë ngjarje që ka sjellë tronditje për ta. Tek turistët e huaj normalisht që ka ndikuar. Kam folur me babain e dy djemve të vrarë menjëherë pas ngjarjes, por gjatë ditës së sotme kam folur me pronarin e një tjetër hoteli këtu në Velipojë, Vasil Vasili, i cili thotë se për 5 vite me radhë ka rritur të marrë shezlone, ndërsa këtë vit nuk ka marrë, duke u skualifikuar pa arsye.

Hotel Fantazia, ku është njëra palë pronarët Ferracakët, këtë vit e kanë fituar ata të drejtën për vendosjen e shezloneve. Ajo që është problematike është se pjesa më e madhe e operatorëve i vendosin çadrat para u mbyllur aplikimet. Familja Gocaj i ka vendosur shezlonet ku i ka pasur vitin e kaluar, ndërsa këtë vit i ka marrë familja Ferracaku. Familja Gocaj ka pritur që shteti ta ndante deri në fund. Problemet në plazhin e Velipojës, sherret, konfrontimet kanë kohë, 2-3 vite që janë ashpërsuar, duke arritur deri në këtë ngjarje të rëndë.”

Bilanci tragjik

Si pasojë e konfliktit mes dy familjeve për vendin e disa shezlongëve, mbetën të vrarë 4 persona dhe 2 të plagosur. Kujtim Ferracaku 59-vjeç, Xhovani Gocaj 25-vjeç, Edmond Gocaj 38-vjeç dhe Musaen Zeneli 20 vjeç ndërruan jetë, ndërsa u plagosën Hasan Ferracakut dhe Elmilind Dyli, nipi i Kujtim Ferracakut.

Musaen Zeneli është viktima më e pafajshme e kësaj ngjarje të rëndë, që kishte filluar punë po atë ditë si kamerier në hotelin Gocaj për të ndihmuar familjen, të cilën e kishte në gjendje jo të mirë ekonomike.

- Reklama -

Më shumë nga kategoria




Të fundit

Shembet ura në Siberi, bllokohet hekurudha më e gjatë në botë

Vërshimet si pasojë e reshjeve të furishme në Siberi kanë çuar në shembjen e një urë, duke e shkëputur hekurudhën siberiane, më e gjata...

Kina vendos sanksione ndaj shtatë shtetasve amerikanë

Kina njoftoi të premten se po vendos sanksione ndaj disa shtetasve amerikanë në përgjigje të sanksionimit nga ana e Shteteve të Bashkuara të shtatë...

KPK, pikëpyetje për pasurinë dhe profesionalizmin e prokurores Daniela Sulaj

Prokurorja Daniela Sulaj, e komanduar si inspektore pranë Inspektoriatit të Lartë të Drejtësisë, u përball të premten më 23 korrik me Komisionin e Pavarur...

Gjykata i refuzon kërkesën për liri, Hashim Thaçi mbetet në paraburgim

Gjykata Speciale e Hagës ka marrë vendim që t’i refuzohet kërkesa ish-presidentit të Kosovës, Hashim Thaçit, që ky i fundit të mbrohet në liri. Edhe...

Koronavirusi, Manastirliu tregon numrin e të vaksinuarve në 24 orët e fundit

Ministrja e Shëndetësisë dhe Mbrojtjes Sociale, Ogerta Manastirliu ka publikuar shifrat e të vaksinuarve kundër koronavirusit në vend. Manastirliu bën me dije, se mbi 13...