Të Gjitha

192 të vdekur çdo ditë, tragjedia në shifra e 8 viteve të luftës civile siriane (video)

               Publikuar në : 14:32 - 12/03/19 marsela

Nisi si një lojë fëmijësh. Një grup fëmijësh sirianë 10-15 vjeçarë nga qyteti i Daras, ishin frymëzuar nga protestat në Egjipt dhe Tunizi. Ata shkruan mureve me spraj:“Njerëzit duhet të rrëzojnë rregjimin!”. Kaq mjaftoi, dhe disa prej tyre përfunduan në polici, ku iu nënshkruan torturave ç’njerëzore, vetëm pse kishin kërkuar rrëzimin e Bashar Al-Asadit. Familjarët e tyre u tmerruan, të tjerët u solidarizuan me ta, dhe nisën të protestojnë në rrugë. Regjimi nuk ngurroi që të përdorte armët ndaj tyre.

Në pak ditë, pati mbi 100 të vrarë. Opozita rrëmbeu armët, dhe aty nisi një luftë e egër civile siriane, që vazhdon ende sot. Sipas statistikave të përafërta, në këto 8 vite janë vrarë mbi 560.000 njerëz, ose 192 njerëz çdo ditë. Prej tyre 111.330 qytetarë të paarmatosur, përfshirë 20.819 fëmijë nën moshën 18 vjeç. Observatori Sirian, llogarit se veç tyre, 88.000 njerëz kanë vdekur nën tortura në qendrat e paraburgimit dhe burgjet e regjimit të Asadit.

Më shumë se 12 milionë njerëz, janë zhvendosur nga shtëpitë e tyre, prej tyre 6 milionë jashtë vendit. Qytete të tëra, janë shndërruar në rrënoja. OKB llogarit se dëmet materiale të luftës, kapin shifrën e mbi 400 miliardë dollarëve. Ekspertët thonë se do të duhen të paktën 20-30 vjet, që Siria të kthehet aty ku ishte 8 vite më parë.

Kthehu
WhatsApp Denonco ne TT